Top Lajmet Shqip

Në Kosovë nuk do të ketë termet me pasoja katastrofike i ka thënë Radio Dukagjinit, Slavica Radovanovic, drejtoreshë e Institutit Sizmologjik të Republikës së Serbisë e cila ditë më parë kishte paralajmëruar se në Rrafshin e Dukagjinit po akumulohet energji sizmike.

Kryetari i Kuvendit, Jakup Krasniqi, priti të mërkurën në një takim delegacionin e Këshillit kundër procesit gjyqësor ndaj Albin Kurtit, në përbërje të të cilit ishin: Valon Murati, Igballe Rogova, Arjeta Rexhaj dhe Nehat Bllacaku. Me këtë rast ata i dorëzuan kryekuvendarit Krasniqi kërkesën për mbylljen e procesit gjyqësor ndaj Albin Kurtit dhe fillimin e hetimeve për vrasjet e 10 shkurtit të vitit 2007.

Asambleja Parlamentare e NATO-s, nga 11-13 mars do ta mbajë seminarin e saj Rose – Roth, në Jerevan të Armenisë, në të cilin do të marrin pjesë edhe anëtarë të Kryesisë së Kuvendit të Republikës së Kosovës. Kuvendi i Kosovës përfaqësohet nga udhëheqësi i delegacionit Xhavit Haliti, si dhe anëtari i Kryesisë së Kuvendit të Kosovës Slobodan Petrovic.

Gjatё qёndrimit tё tij nё Strasbourg, ministri i Punёve tё Jashtme i Republikёs sё Kosovёs, Skender Hyseni ёshtё takuar me njё numёr anёtarёsh dhe pёrfaqёsuesish tё Parlamentit Evropian, pёrfshirё këtu edhe nga shtete anёtare tё Bashkimit Evropian tё cilët ende nuk e kanё njohur shtetin e Kosovёs.

Presidenti Fatmir Sejdiu bashkë me kryeministrin Hashim Thaçi, zhvilluan të mërkurën një takim të përbashkët me komandantin e KFOR-it, gjeneralin Markus Bentler. Pas një bisede përmbajtjesore, siç thuhet në një komunikatë të Presidencës, u dakorduan në plotëni për vazhdimin e bashkëpunimit midis KFOR-it dhe FSK-së.

Kryetari i Aleancës për Ardhmërinë e Kosovës, Ramush Haradinaj, deklaroi se korrupsioni në institucionet e Kosovës fillon nga kryeministri Hashim Thaçi.

Sizmografët e Rrjetit Sizmologjik të Kosovës kanë detektuar sot në ora 14:38 minuta, një tërmet me epiqendër gjashtë kilometra në juglindje të Istogut.

Kryeministri malazez Milo Djukanovic ka kritikuar ashpër Serbinë, duke e akuzuar se ka për qëllim ta paraqesë Malin e Zi si “shtet kriminal”. Në një intervistë për TV malazez Djukanovic ka thënë se Beogradi synon ta komprometojë shtetin malazez dhe të tregojë se Mali i Zi nuk ka kapacitete juridike që të jetë shtet i pavarur.

Komisioni për Mbikëqyrjen e Forcës së Sigurisë së Kosovës, kërkoi të mërkurën që udhëheqësit e kësaj force, të zgjidhin problemet e krijuara ditët e fundit, në raportet me misionin e NATO-s në Kosovë.

Kryeministri slloven, Borut Pahor thotë se ka nisur një të dërguar në Zagreb dhe Beograd me qëllim të zgjidhjes së kontestit rreth pjesëmarrjes së Kosovës në konferencën për Ballkanin Perëndimor.

Komisioni i Ligjeve ka miratuar projektligjin për ndryshimet në ligjin aktual të SHISH-it. Në komision nuk ishin të pranishëm deputetët socialistë. Ne mbledhje raportoi drejtori i SHISH-it, Bahri Shaqiri.

Në Shqipëri, opozita socialiste ka vendosur të hyjë në parlament në momentin e diskutimit dhe miratimit të një rezolute të iniciuar nga maxhoranca për liberalizimin e vizave. Vendimi u mor nga grupi parlamentar socialist, por ende nuk dihen hollësi rreth tij.

I ati mbërriti në Itali si klandestin, u dëbua e më pas u kthye sërish me dokumente të rregullta dhe leje qëndrimi. Ajo, Edlira Mamutaj, 23 vjeçe, e diplomuar për gazetari është tashmë zëdhënësja e Lega Nord në Toskana, partia e ekstremit të djathtë, që shpesh herë sulmon emigrantët.

Bashkimi Evropian duhet të dëshmojë se është në gjendje të ndihmojë reformat në vendet fqinje, nga Bjellorusia në Marok, nëse dëshiron që të merret seriozisht si lojtar global, deklaroi Catherine Ashton.

Kryeministri malazez, Milo Djukanovic planifikon të tërhiqet gjatë mandatit të kësaj Qeverie, por nuk saktësoi se kur do të ndodhë kjo.

Nuk do të ketë gjykim të shkurtuar për kapon e Bandës së Lushnjës, Alfred Shkurti, alias Aldo Bare. Gjykata e Krimeve të Rënda vendosi të mërkurën që të mos marrë parasysh kërkesën e avokatit të Aldo Bares, Vladimir Meci që kërkonte gjykim të shkurtuar për klientin e tij. Plasin polemikat në sallë mes avokatit dhe kryetares së trupit gjykues.

Vazhdimi pa zgjidhje i krizës politike në Shqipëri, duket e se ka drejtuar sërish kryesocialistin Edi Rama drejt zyrave të Strasburgut, ku ai pritet që të takohet me personalitete të larta evropiane dhe bëhet me dijeni se në këtë takim ai është i shoqëruar edhe nga deputetët Taulant Balla e Arben Ahmetaj.

Me delegacionin belg që vizitoi Likovën nuk kishte asnjë përkthyes gjë që ka vështirësuar komunikimin në takimin ndërmjet zyrtarëve belg dhe drejtuesve të Komunës së Likovës.

Reshjet e borës kanë filluar të bien që prej mesnatës në rrethin e Tropojës dhe në qytetin e Bajram Currit, ku trashësia e saj ka arritur deri në 80 centimetra në zonat rurale.

Dy të rinj shqiptarë janë përleshur me policinë greke në kryeqytetin e Greqisë, Athinë, ku njëri prej tyre është ekzekutuar.

Junta ushtarake në Birmani ka miratuar një ligj të ri me të cilin udhëheqësja e opozitës Aung San Suu Kyi përjashtohet të marrë pjesë në zgjedhjet parlamentare të planifikuara për këtë vit.

Prania e trupave të huaja në Afganistan nuk është një zgjidhje për paqen, deklaroi presidenti iranian, Mahmoud Ahmadinejad.

Presidenti indonezian, Susilo Bambang Yudhoyono, ka konfirmuar se forcat e sigurisë të vendit kanë vrarë një nga planfikuesit kryesorë të bombave në Bali në vitin 2002.

Pas zëvendëspresidentit amerikan Joe Biden, edhe sekretari i përgjithshëm i OKB-së Ban Ki-moon ka dënuar planet e ndërtimeve të reja izraelite në Jerusalemin Lindor.

Autoritetet në Shtetet e Bashkuara kanë ngritur akuzat për komplote terroriste ndaj një 46 vjeçareje amerikane.

SHBA dhe Rusia kanë filluar një raund të dytë bisedimesh për pakësimin e arsenalit të tyre të armëve bërthamore.

Operacionet e fundit të antiterrorizmit kanë çuar në vdekjen e më shumë se gjysmës së 20 udhëheqësve kryesorë të Al Qaidës.

Gati dy muaj pas tërmetit shkatërrimtar në Haiti, presidenti Rene Preval ka arritur në një pikë që t'i kthejë ndihmat ndërkombëtare me ushqime për viktimat.

Zëvendëspresidenti amerikan, Joe Biden, i cili po viziton Lindjen e Mesme, thotë se Washingtoni është absolutisht i angazhuar për garantimin e sigurisë së Izraelit. Ai tha se SHBA-ja është e vendosur që të mos e lejojë Iranin të prodhojë armë bërthamore.

Qindra të mbijetuar nga tërmeti në Turqi e kanë kaluar natën në tenda emergjence dhe përreth zjarreve. Tërmeti i djeshëm la 51 të vdekur në Turqi e qindra të lënduar.